2011-07-05, 22:11
|
رقم المشاركة : 1 |
 إحصائية
العضو | | | 
|  كلاص راااائع صنع منزلي،حصريا على منتديات الاستاذ
|  |
السلام عليكم و رحمة الله و بركاته 
غادي نحتاجو ربع لتر ديال الحليب مع la crème Chantilly
و نديروهوم فشي اناء و نطربوهوم
مزياااان حتى نحصلو على خليط بحال هكذا:
من بعد ندخلوه للثلاجة و نخليوه يبرد مزيان.
من بعد ناخدوا 3 بيضات و 2 فاني وملعقة كبيرة سكر
نفرقوا الأبيض على الصفر , و نديروا الأصفر فشي اناء
و نزيدوا عليه السكر1ملعقة و الفاني و نطربوهوم مزيان
نطربوا مزيان حتى يثقال و يتنفخ
و نخليوه على جنب , ثم ناخذوا ربع لتر ديال الحليب و نديروا يدفا فوق البوطا
من بعد نزيدوا عليه الخليط ديال أصفر البيض مع التحريك المستمر , و هذا هو السر الأول لأن كاين شحال من واحد كيخلي البيض اخضر و كيجي زفر , مللي يبدا يغلي , نزولوه من الكاسرونة و نديروه فكاسرونة أخرى حيث مللي كنقلبوه عاد كيتخلط مزيان مكيبقاش الحليب التحت و البيض الفوق و نبقاو نحركوا حتى تزول منه الرغوة و يولي بحال هكا:
مللي يبرد شوية حتى هو ندخلوه للثلاجة ,
و ناخدوا أبيض 3 بيضات اللي خلينا نطربوه حتى يطلع و نزيدوا عليه ملعقة سكر و نطربوه مزيان حتى حتى يطلع و يوقف بحال هكذا:
ثم ندخلوه للثلاجة باش يبرد .
من بعد ناخدوا علبة نستلي كبيرة انا درت غيرنصف بواط ديال نستلي و نكونوا دايرينه كراميل يعني ديجا طايب فالكوكوط واحد 40 دقيقة , و هذا هو السر الثاني لأن أغلبية وصفات الكلاص كيكون فيهم نستلي بلا ميطيب كراميل , غادي نزيدوا معاه واحد اليوغورت حسب الذوق
نطلقوا الكراميل في اناء بوحدو حتى يتطلق شوية و ما يبقاش مجموع ثم نزيدوا عليه داك اليوغورت:
و نطربوا الكل مزياان حتى يتطلق الخليط يولي من بعد نجيبوا اناء كبير و نخلطوا فيه كل الخلائط اللي وجدناها:
la crème chantilly + خليط أصفر البيض + أبيض البيض + خليط الكراميل و نحاولوا نخلطوا بشوية حتى ينسجم كلشي
من بعد نعملوا les arômes اللي بغينا
و الفواكه حسب الذوق.
بحيث كنقسموا الخليط فالبواطات و ندير النكهات اللي بغينا ,
بالنسبة لي
عملت واحد بنكهة اللوز و آخر بقطع التوت
و اخر خلط فيه بين القهوة و شكلاط فرمسيل مع شوية ديال الكاكاو او كاوبيل من اجل اللون البني
واحد بنكهة الفستق
المهم ممكن نستعملو اية فواكه جات على ذوقنا
وبيني و بينكم اللي باللوز كيجي مذاقو واعر
ندخلو الكل للمجمد واحد 4 ساعات
ويمكن نتناولوه بالصحة و الراحة
تفضلوا:
ولا تنسوني من دعائكم الصالح
|
: منتديات الأستاذ التعليمية التربوية المغربية : فريق واحد لتعليم رائد https://www.profvb.com/vb/showthread.php?p=395931 | التوقيع | | لا أخجـــــل من طيبـــة قلبـــي فهــي ليســت ضُـــعفاً بل قـــوة .. فالجوهـــرة لا تخجـــل من شدة بريقــــها
| |
|
|  |
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
رد: كلاص راااائع صنع منزلي،حصريا على منتديات الاستاذ 
