2014-04-23, 17:46
|
رقم المشاركة : 4 |
 إحصائية
العضو | | | 
|  رد: الصحوبية:بين رفض الكبار وإصرار الصغار
|  |
رأي الداعية الشاب أحمد البنا فى الصحوبية
الصحوبية شهوة زي أي شهوة ربنا عز وجل بيقول (زين للناس حب الشهوات من النساء)معنى كلمة زين يعني هي في الأصل حاجة مش كويسة ، زي حاجة وحشة هنزينها علشان تكون شكلها أمام الناس أحلى و يخيلها أشيك هو ده اللي الشيطان بيعمله مع الناس ، الشهوة بتكون وحشة فى الأساس بس لأن الشيطان بيحاول يحلي الشهوة ، وهنا عايز أوجه كلامي للبنات ، أنا عارف إن حلو أوي أني أصاحب و يكون عندى صاحب أسمعه و يسمعني و أحكي له و يحكي لي شيئ حلو أوي بس فى لحظتها بعد كده أنتي اللي هتتعبى لما يسيبك .
هتقولي : مش هايسبني ، هقولك : لأ أنا شاب وبقولك أي بنت مصاحبة و أي بنت بتمشي مع واحد ، أنا كشاب مستحيل أروح أتجوز واحدة ماشية مع واحد ، و صعب أن صاحبك ده نفسه يروح يتجوزك
هتقولي : لأ برضوا هو بيحبني
هتقولك : الحب ده كاذب لان البنات فى الفترة دي بيكون مزاجهم متقلب ممكن بسرعة تجري وراء مشاعرك و أحاسيسك ، و الأحاسيس و المشاعر هي اللي بتقود فترة المراهقة و الشاب بيعرف يلعب فى الفتاة دي و يضحك على البنت بكلمتين حلوين يقولها كلام طيب و جميل ومتزين لحد ما البنت تحبه ، والبنت لما بتحب فى الفترة دي ممكن تعمل أي حاجة غلط ودي مشكلة ممكن ، و دي بتكون مشكلة كبيرة أوي سببها إن البنت مصاحبة واد و مسلمة عقلها و قلبها ومشاعرها و أحاسيسها لواحد الواحد ده ممكن مايكونش عنده ضمير ، وطبعا فى الحالة دى فعلا لا يوجد عنده ضمير ولا بيتقي ربنا لإنه نسي خالص إنه لأزم يحافظ عليكي و مع ذلك لعب بمشاعرك و أحاسيسك وبدأيستولى عليكي ، هل ده رد فعل للي ربنا عمله معاكي إن يكون فى قلبك إن يكون فى قلبك أكبر منه .
البنت قيمة كبيرة فى المجتمع ربنا خلقها
دايما إحنا الشباب بنقول على البنت حريم ممكن الكلمة دي تكون قليلة الأدب نوعا ما عند بعض الناس ، بس ليه إتسموا حريم ، حريم كلمة فى اللغة العربية الفصحى جاية من الحرم الحرام ، زي الماسة اللي بتلاقيها محطوطة فى الفاترينا فى مكان فخم مكتوب عليها ممنوع الإقتراب و ممنوع اللمس ، وفي بعض الاماكن تلاقي ممنوع الأقتراب أو التصوير ، لإنها غالية أوي ماينفعش امسكها غلط أو اصورها غلط ربنا لم يقل للولد فقط لا تلمس الأنثى التى لا تحل لك قال اصلا لا تنظر إليها ومش لإنها كمهمل بل لأنها غالية أوي عند ربنا و عند النبى صلى الله عليه وسلم ، ربنا عز وجل قال (قل للمؤمنين يغضوا من أبصارهم و يحفظوا فروجهم ذلك أزكى لهم إن الله خبير بم يصنعون )
يعني ماينفعش تلمسها و تتعامل معاها بطريقة تخالف الشرع أو تجرح مشاعرها أوعي تكوني رد فعلك إن ربنا كرمك اوي وكبر قيمتك انك تدخلى نفسك فى الأشياء الصغيرة ، أنك تصاحبى واحد و تسمحى له انه يتدخل فى حياتك بالشكل اللي شايفينه فى شكل الصحوبية ، ربنا عز وجل مش عايز فى قلبك غيره فهل ده موجود ولا مش موجود ، لما تيجى تدوري فى قلبك و تشوفي مين اللي له مكانه كبيرة فى حياتك تلاقي صاحبك لازم تخلي ربنا رقم واحد فى حياتك و أساس حياتك ، تخيلي إن اللي قلبك مع ربنا مش مجرد حاجة حلال أنتى حطاها ومهتمية بها أكتر من ربنا ، لأ كمان الحاجة دى حرام واحد مش زوجك ، و فى قلبك مكانته أكبر من ربنا .
رسالتي للشباب خليك رااجل من أمة النبى صل الله عليه وسلم ، إنت عارف إن البنت دي من بنات النبي ، مش هقولك ترضى أختك يتعمل معاها كده ، لأهقولك ان دي اصلا اختك فى الأسلام طول هي لسه مش مراتك ، لازم تحافظ عليها أكتر من نفسها ، حتى لو هي دعيتك إنك تصاحبها أو تعمل معاها حاجة غلط ، انت المفروض تحميها و تمنعها و تحافظ عليها أكتر من نفسها لو قرأت قصص الصحابة هتلاقي حاجات غريبة كانوا بيعملوها ، عايز أقول لكم حاجة ربنا عز و جل قال فى القرأن أيات عن موضوع الصحوبية أنا لم أبدأ به أولا لأني حبيت فى الاول إتكلم من الناحية النفسية و الواقعية ، بس لو هنيجي نتكلم من ناحية الشرع ربنا عز وجل قال عن النساء المؤمنات (ولا متخذات أخدان )(النساء : 25 ) ، لا يجوز أبدا أنه البنت يكون لها خدن صديق البنت تكون صاحبتها بنت و الولد يكون مصاحب ولد .
الصحوبية ذنب و تخيل كمان كام ذنب هتخدوها فى الجلسة الواحدة مع بعض لوحدكم كام كلمة حرام ، كام نظرة حرام كام لمسة بتلمسها حرام ، ولو الموضوع تطور بتكون فيها مشكلة أكبر إن اللمسات دي بتوصل لفواحش ، يقول الله تعالى (إن السمع و البصر و الفؤاد كل أولئك كان عنه مسئولا ) (الإسراء : 36 )، هاتروحوا لربنا عز وجل وهايسألك عن كل كلمة وكل كلمة وكل نظرة وكل قاعدة مع بعض لوحدكم هيسألكم انتم امة النبى عملتم كده ليه ، ردك هيكون إيه . |
|
|
|  |
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
265الشكر 
الصحوبية:بين رفض الكبار وإصرار الصغار 
