منتديات الأستاذ التعليمية التربوية المغربية : فريق واحد لتعليم رائد

من تحت الميدة نطق المش و نادى مالين الــــــــدار:
حتى لِمتى غدي نبقى مكمش و التالي فيكم عْلِيَّا حْكَار
ونا ما نْعضّْ ما نقمش صابر معاكم لزمان الغدّار
و يْدِّيكم فِيَ تْطرش يا مَّالين الدار
كثرة الهم خلاتني بظفاري فْلَرْض نقمش و نتغطى بالغبار
بينكم أنا مهمش يا حبابي مالين الدار
خليوني راني معاكم بغيت نتغطى و نفرّْش و شْدُّو عليَّ الدراري الصغار
راني غيرمنبغي نقمش حيت كنحترم الكبار
ماشي حشومة تلوحو لي عْظِيْيْم فيه نهرمش ؟
و تكَولو لِيَ إلاَ بغيتي تشبع تبع الفار؟
رْدْ عليه مول الدار و كَال: سْكُتْ بَراكا مْلكلام .
أَهْيَا داك القط
إلا ما بقاو عاجبينك العظام
خرج برَّا ، و لْحشرات لْكَطْ
أَشْنو زعما ؟ بغيتينا نْشْرْمْلُو ليك الحْمَام ؟
و معانا فخير الدار تسرط ؟
و نحطّو ليك كرسي و تْشْدْ معانا الزّْحام ؟
و نخليو هيبتنا تسقط ؟
بغيتي بعد ما كْنْتي تحت الميدة كتسمع منا غير الكلام
تْوْلِّي معانا وجه لوجه أَلْقْط ؟
خْليك ، الكرسي حْلْمْ بيه فالمنام
ورْضَى بالشّْيَاط و صْمْتْ .
رد عليهم المش أوكَال : كَلت ليكم زيدوني فالبزطام
كَلتو لي لا تشرط
عْصِّيتوني و زْتُّوني فالأفلام
مهرجانات ، سهرات ،باش نتلهى و نصمت
كَلت ليكم زيدوني فالبزطام زتوني فالأفلام
ونا تحت الميدة ناكل فالعظام و تعايروني بالكلام.
سالت من عينو دمعة و كَال حتى لو حرمتوني من داركوم
أنا فدارنا منفرط
غير كْلْمُو لِيَ السيد الكبير مول الحكام
أمَّا نتوما عييت معاكم منعييط
كلمو لِيَ الكبير لي خنتوه و رسمتو ليه أوهام
و هو معاكم عْيَا مينظم و يخطط .
ياك وصّاكم عليَّ و خنتوه و الخيانة حرام ؟
و خليتو المسكين بحالي فأحلامو يكرط
لكن تطلع الشمس مهما طال الظلام
و الفلاح يحصد إِلاَ حرث .

إبداع تلاميذي هادف