شانك عالي وغالي يا الحبة
قاسيتي لمرار فبلاد الغربة
كنتي من لخيار ما تشوفي غضبة
اتجليتي ف لقفار اصبحتي ف كربة
تتمناي لفرار وتسناي الهربة
مسكينة راها تسنى ف الفرجة
كل ليلة ونهار تطلب ربي وتترجى
يرخف عليها هاد القجة
وتوّلي لبلاد البهجة
اوا نتمنى يتحقق لها المراد
ويشوف من حالها رب لعباد
حتى ترجع لعز لبلاد
يشيع بياضها فعوض السواد
تلبس ثوب العروس وتزوّل الحداد


بوكت على هذا القصيد، تحية زجلية يا أبو الحرف