منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة - مْنين جاني المفتش

مْنين جاني المفتش
كالوا لي خَبي لعْصا
وللمفتش لا توريها
ضَحْكي في وجْه مزيان
وعيوبك لاتْبَينيها
كال ليك شي حاجة
وانْتي معاجباكش
كولي ليه واخا سيدي
لا تعارضيه
لا تجادليه
المذكرة زادت فيه
جاني المفتش داك النهار
وعْصاتي هي اللي بانت ليه
غوتْ بصوت عالي
ومع تلامذي ماراع لي
رديت عليه بخو كلامو
وكلام الناس مَهمْني
بغيتو يشوفني على حالي
بلا نفاق بلا تزوير
الساعة هو باغي النفاق
والتمثيل يعز عليه
واش بصاح أخوتي العصا ممنوعة ؟؟؟؟؟؟؟؟
وكلمة المفتش هي اللي مسموعة ؟؟؟؟؟؟؟؟؟
والأستاذ مغلوب على أمْرُ
في هاذ البلاد حقوقو ضايعة :
المفتش يغوت عليه
والمدير يتحكم فيه
وكلشي باغيها فيه