شوصون بالبطاطا والطون من مطبخي بالصور المقادير: زلافة ونص ديال الدقيق أبيض بيضة ربع كاس زيت زيتون ملعقة صغيرة سنيدة ملح القليل من خميرة الخبز ماء دافي مقادير الحشوة: الطون زيتون أخضر مقطع دوائر بطاطا مسلوقة ومهروسة 1 فرماجة ملح إبزار شوية د الهريسة ملعقتين زيت زيتون معدنوس الطريقة: نخلط مقادير العجينة وندلكها مزيان ونغطيها بمنديل ونخليها ترتاح نهرس البطاطا ونضيف ليها فرماجة والزيت والملحة والابزار والهريسة والمعدنوس ونمعسهوم حتى يتجانسو مع بعض نطلق العجينة ونقطعها دوائر نعمل وسطها شوية من خليط البطاطا وفوق منه شوية د الطون والزيتون الاخضر كيف ما الصورة نسدهم وندوز على الحاشية بفرشيطة كيف ما الصورة ونتقب من تحت جوج تقيبات بعود السنان باش ما يتحلوش نحطهم ف صينية الفران وندهنهم بصفر البيض ونرش عليهم شوية معدنوس وقطعة فرماج محكوك وندخلهم الفران وها هاما وجدو بالصّحة..