منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

علم ابنك من صغره الأتي : (مفيده جدا)

١ -علمه يقول حاضر يا بابا ونعم يا ماما وميقولش لأ ولا يرفع صوته علي إخواته أو يلطم علي وجهه أو يشد في شعره او....

٢_ إنه يأكل بإيده اليمين ويقول بسم الله قبل الأكل والحمد لله بعد الأكل ويغسل إيده قبل الأكل وبعده ويأكل وهو جالس وممنوع يأكل وهو راقد علي ظهره أو يأكل من علي الأرض ويأكل اللي بيحبه وميقولش علي الأكل اللي مابيحبوش ده وحش أو يرميه علي الأرض علشان يصون النعمه اللي ربنا رزقهاليه

٣- إنه يكون صادق ويقول الحق حتي علي نفسه وشجعه على الصدق علشان ربنا يحبه ويدخل الجنة وممنوع الكذب علشان الكذاب بيروح النار.

٤- إسم الأشياء الصحيح علشان ينطقه صح.

٥- لازم يبعد ويتجنب أي شيئ ممكن يضره زي الماء والأكل الساخن والنار والكلاب والقطط والأشياء الغير نظيفة والكهرباء و......
٦- يكون معطاء يعني يأخذ ويعطي من البسكويت أو أي شيء لطفل أخر أو إخواته حتي لا يصبح أناني من صغره .
٧_ أمور دينه زي الصلاة والوضوء والقرأن وطاعة الله وحب ربنا والرسول والناس كلهم
٨_ الفرق بين الولد والبنت في اللعب واللبس والنواحي الجنسيه علشان الأطفال بيقلدوا بعضهم دون معرفة ومينفعش يناموا مع بعض
٩- النظام يعني يرمي الورقة في سلة الزباله ولا يرميها علي الأرض أو الشارع ولما يخلص لعب يرجع اللعب مكانها تاني .
١٠_ يلعب مع إخواته وزملائه ويلاعبهم علي لعبه وممنوع يأخذ لعب غيره دون موافقتهم .
١١- الفرق بين العيب والخطأ والصواب من الكلام والأفعال والحركات اللي بيشوفها من الأطفال الأخرين أو التلفاز
١٢- ممنوع يشتم حد أو يبصق علي أحد أو يقبله من فمه أو يأخذ حاجه من شخص غريب أو يأكلها بدون موافقة منك أو أمه .
١٣- يعرف أهله يعني مين عمه أو خاله أو إبن عمه أو خاله وخالته ويحبهم ويعيد عليهم .
١٤- يحافظ على نظافة البيت والملابس والأحذيةوغسيل أسنانهم و يحافظوا علي الأرض من الماء والطين علشان يظهروا بمظهر جميل دائما .
15- القناعة يعني يرضى باللي معاه ولا ينظر إلى ما في يد الأخرين .
١٦- الأدب في الكلام : يعني مينفعش ينادي على أحد بإسمه المجرد ويقول لو سمحت يا عموا عايزه كذا ولما أحد يعطيه حاجة يقوله شكرا يا عمو ولما حد يشتمه يقوله الله يسامحك.
١٧- يعرفه يعتمد على نفسه : يعني إزاي يلبس ويأكل ويشرب وينظف حاجته بنفسه ويلبس حذائه بنفسه
١٨- الكرم : يعطي من اللي معاه بدون مقابل حتي لو جزء صغير من البسكويت أو أي شيء
١٩- تنمية مهاراته و إكتشاف مواهبه منذ صغره مثل صوته الحلو في قرأة القرآن أو ألإنشاد الديني أو الرسم أو أي هواية مميزه أخرى.
٢٠- لا يضرب أحد ولا يعتدي على أخرين ويدافع عن نفسه ويحافظ على ما يملك من مال أو أكل .
٢١ -إنه يكون إيجابي يعني لو شاف حجر في الطريق هيؤذي الناس يرفعه علي جنب ولما يشوف حد بيعمل حاجه خطأ يقوله ده خطأ
ولو شاف قطه جائعه يرميها بعض الطعام
٢٢_ لا يصاحب صديق السوء ويبتعد عنهم
٢٣_ يقول رأيه لكن بأدب وإحترام
٢٤_ يستخدم أشياء الشخصية مثل فرشاة الأسنان ولا يستخدم أشياء إخواته الشخصية
٢٥ _ (لا ضرر ولا ضرار) يعني من حقه يلعب ولكن بشرط ألا يزعج أحد ولا يكسر الأشياء
٢٦- القدوه الحسنه وحسن إختيار أصحابهم
٢٧- لازم يعرف تقاليدنا وعاداتنا الصحيحه مثل أن يقف للكبير ويسلم علي جده وجدته ويقبل أيديهم عند رؤيتهم
٢٨_ نافع للمجتمع ويحافظ على الممتلكات العامة والخاصة سواء في المدرسة أو الحضانة أو بيوت الأهل والمساجد
٢٩ - يحب وطنه ويرسم ويلون العلم وإنه هو رمز لازم يحترم ويحب الوطن العربي والإسلامي والعالم كله ويعرف إن اليهود أعدائه اللي إحتلوا مصر وربنا نصرنا عليهم وحررناها بدماء الشهداء في حرب إكتوبر
٣٠- يحب الرسول ويحب ربنا ويسمع كلام ربنا ويحب الناس كلهم والجيران والأصدقاء ويتمنى لهم الخير ويقول الحمدلله علي نعم ربنا عليه ويشكر الله ويدعي ربنا إنه يوفقه وينجح ويكون من الأوائل .

# لا تنس الدعاء لأولادك ربنا يبارك فيهم #