تحضير الزيتون مشرمل حار في البيت بالصور الزيتون لي كان مرقد كيفاش نديروا ليه شرمولة حارة كيجي غزال وخا الحرور قتلني فيدي ههههه ولكن ماشي خساره فيكم وأنا زدت عليه شويا دالمقادير جا كثر من غزال نخليكم مع المقادير مقـادير الزيتون مشرمل حار ـالزيتون كان مرقد من قبل الفلفل الحار الأحمر القصبور الزعتر الليمون مرقد الخل الطريقـة المصورة كنجيبو الفلفل الحار كنغسلوه ونديروه يقطر وكنديروه فمنديل ونشفوه مززززززززززززيان من بعد كنزولو ليه داك طربش ديالو باش ميمرَرش لينا شرمولة ثم نقوم بتقطيعه كنزيدو عليه المقادير وندروه يتطحن حتي يتهرس ماشي يتطحن بـزززززززاف تبقى الشرمولة شَدَّ راسها وكنضيفوا الشرمولة على الزيتون المرقد والمقطر طبعا وكنخلطو مزيان وهذي هي النتيجة النهائية لوصفة المجربة من إيد أختكم الأميرة بالصحة والراحة