سيجار بالكروفيت والشعرية الصينية من مطبخي بالصور نص كيلو كروفيت نص كيلو ورقة البسطيلة خنيشة صغيرة شعرية صينية قزبور ثوم ملح كمون تحميرة سكنجبير زيت قليل جدا من الهريسة الطريقة: أنقي الكروفيت ونعملو فمقلاة نضيف ليه الزيت والملح والتوابل والقزبور والثوم نحطه يطيب على عافية مهيلة لمدة 10 دقايق الشعرية الصينية نخويو عليها الما طايب مللّي تترخى ، نصفويها ونقطعوها ونعملوها فلاصوص دالكروفيت تتشرب البنّة د الكروفيت نمزجو الشعرية الصينية مع الكروفيت نقطعو الورقة دالبسطيلة إلى مثلاثات إذا كانت الورقة صغيرة نقسمها على أربعة أي نخرج منها أربع مثلاثات وإذا كانت الورقة كبيرة نقسمها على ستة أي نقسمها فالنص وكلّ نص نخرج منه ثلاث مثلاثات نحط مثلث ورقة البسطيلة ونعمل فيه شوية دالكروفيت مع الشعرية الصينية ونلفو بالطريقة اللّي واضحة فالصور إذا كنت غانقليهم نسد السيجار بخليط الدقيق والماء وإذا كنت غانطيبهم فالفران نعمل فقط شوية د الزيت فأخير لفة م السيجار ونسد ندهن صينية الفران بالزيت ونستف فيها السيجار ندهن أوجه السيجار بقليل م الزيت وندخلهم يطيبو ف فران ساخن وبالصحّة والراحة
سيجار بالكروفيت والشعرية الصينية من مطبخي بالصور