عرض مشاركة واحدة
قديم 2016-01-03, 19:59 رقم المشاركة : 1
علام لقبيلة
أستـــــاذ(ة) مشارك
إحصائية العضو







علام لقبيلة غير متواجد حالياً


افتراضي هدية زجلية من الغائب العائد


دريناهم بالمداري
وغربلناهم بالغرابل
صدقوا لينا غير دراري
حتى واحد فيهم ما راجل
الاول فيهم اللي قاري
تقول هدا عليه نعول
يحفر ليك غير الحفاري
انت طيح وهو يتسل
ويجيك الثالي بالحيلة والطواري
روحاني ينسيك في الاول
يشمشم كالكلب الضاري
باغي يفرسك ملي تحصل
والثالث فيهم هو جاري
السن بيضة والقلب كحل
لسانو يكوي بالجماري
كيف العافية زاندة تشعل
يصرف الخير بالشري
عندو فكرة ديال بغل
انا نعلف في الكيداري
وهو مقلش باغي يركل
غالبة فيه المراة والدراري
ويشتم في الرجال لي ما يوصل
متبع الخمور والقماري
ولالة ومالي وتقرقيب السطل
كان بدارو ورجع كاري
ولا عايش في القهرة والذل
ومن شي بعضين انا باري
كيقلبو المجاج مع العقل
ويخلوك في الهم تباري
تكون ساروت ترجع قفل
لا تبيع معاهم ولا تشري
هداك هو الرباح هداك هو الفضل






    رد مع اقتباس