كويمرات معمرين بالطون والكاشير من مطبخي بالصور مقادير العجينة: كيلو د الفرص كاس صغير د الحليب نص كاس د الزيت تلاثة ملاعق كبيرة ديال سكر خميرة الخبز ملح ماء دافي مقادير الحشوة: الفرماج الطون بلاصوص طماط الكاشير محكوك طريقة التحضير: ندوبو الخميرة مع الحليب وسنيدة والزيت والملحة نضيفو الدقيق والماء دافي للحصول على عجين رخو ندلكوه مزياان ؛ ومن بعد نغطيواه ونخليواه يرتاح من نص ساعة إلى 45 دقيقة من بعد ندلكوه شوية ونقسموه إلى كويرات كما في الصورة نخليو كويرات العجين خمسة دقايق ومن بعد نطلقوهم على شكل دائري ونقطعوه على شكل مثلاثات كما في الصورة نلويو كلّ مثلاث للحصول على كوميرات صغار نستفوهم ف صينية ديال الفران وندردرو عليهم شوية ديال السانوج ها الصورة ونخليوهم يخمارو من بعد ما يخمارو ندخلوهم يطيبو ف فرّان سخون ماللّي يطيبو ؛ نخليوهم يبردو شوية ونفتحوهم بالموس وندهنوهم بالفرماج و نعملو لهم الطون بصلصة الطماطم والكاشير محكوك وها هما وجدو بالصحّة والراحة..