ما هموني غير الرجال الى ضاعوا

ما هموني غير الرجال الى ضاعوا
لحيوط الى رابو كلها يبني دار
ما هولوني غير الصبيان مرضو و جاعو
و الغرس الى سقط نوضو نغرسو اشجار
و الحوض الى جف و اسود نعناعه
الصغير ف رجالنا يجنيه فاكية و ثمار
مصير وحدين عند اخرين ساهل تنزاعه
وشعاع الشمس ما تخزنه لسوار
دارت وجات في يد الصهيون دار اتباعه
جاب خيه و خويله فين عزارى الدوار
زاد سبوعا تابعاه لتمناعه
من حرك عينه ف راسو مدوه للجزار
سربة هنا و سربة لهيه جثمو وداعو
و لا كلمة فوق كلمة الغضنفر
كثرو لعصيتهم اللبن و ماعو
و شكون يكول جدة سفت يا حضار

كولو ل هداك كولو له كولو للآخر كولو له
كولو له الى ما فهم دابا ليام توري له
كولو للايمي كولو له
كولو للايمي را لغدر حرام الا لة

الى انا معذب صابر الى انا مهجور نكابر
الى انا كلتو هاجر الى انا كلتو نافر
الى انا كلتو قفل عاسر ذي ليام راه ياسر
غير خليو اللي مابغا يفهم لا تكولو له
دابا ليام توري له وا دايني يا دايني

الى انا معذب مهجور الى انا منبوذ محكور
غير انجا ليا انت خليني نجاري و ندور
و نقاوم غرق لبحور غير ما تصيبك كلتة
لكن امتى بلا ما يكولو ليك تفهم أنت
وا دايني يادايني


الله يا مولانا
الله يــــــا مولانـــــا حالي ما يخفاك يا الواحد ربــــي
سبحان الحي الباقي سبحانك يا إله جود اعلـــــــــــي
بك عمرت السواقي ونحلتي في نواورك مرعيـــــــة
ولا تجعاني شاقـــي حرمة ودخيل ليك بالصوفيـــــــة
النبي يا جيرانـــــي لو صبت الزاد من غدا نمشي له
نشاهد نور عيانــي ونطوف بالكعبة نزورها ونلبــي
يــــا زوار النبـــــي لله ديونـــــي نـــــزور معاكـــــــم
آمــــولاي محمــــد آداوينا يـــا بو عمامــة خضـــرة
الناس زارت محمـــــــــد وانــــا سكـــن لـــي فـــي گلبـــي
الله الله الله
الناس زارتوا بالمركوب وأنـــا نمشـــي له على رجلـــــي
الله الله الله
جيــت زايــــــر ومعبــــد ألسيــــــد الرســــــول العربـــــي
الله الله الله
سال الملايك سال الروح ســـــــال حمـــــــــال العـــــرش
الله الله الله
ســـال حفاظــة اللــــوح قلبـــــي مولــــــع بالقرشــــــي
الله الله الله
من لايمني ف هاذ الحالة أنبيــــع لــــه يشــــري منـــــي
الله الله الله
أنبيع له بيع المحتـــــاج وإلـــــى جـــــــرب يعذرنــــــي
الله الله الله


مهمومـــــة
مهمومـــــة يـــا خيــي مهمــــومـــة
مهمومـــــة هـاذ الـدنـيـا مهمــــومـــة
فيهــا النفــوس ولات مضيـــومــــــــة
ولـــــى بنــــادم عبــــاد الــلُّومـَــــــــة
المسكين ف همومه ساير يْلاَلــِـــــــي
عايــم ف لفقايــص عومـة محمومـــة
شـــي مفتــون بمالــه سايــر يلالـــــي
لايـــح الرّْزَانْ ف قهــــاوي محرومــة
هايــــم ب لقصايـــر وليـــلات تلالـــي
الخرفان مدبوحة والبنات مغرومــــــة
لا حرمـــة بقــــات لا ديــن لاعبـــــادة
خرجت الشهادة من گلوب معلومــــــة
كيســـــان مكبوبـــة والخمر الغالـــــي
حَيَّانـِــي آش دَّانــَا لفعايـــل مذمومـــة
عمرو لحباسات ب طفال مهمومــــــة
ماتــو الرجـــال ب رسايل ملغـــومـــة
عمرو لسواق ب ردايــــل الفـَــــانِـــي

تبنات لبيوت ب فحايش مسمومـــــــة
نْوّْح ْيا غراب هاد العالم مســـالـــــــي
من زمان گالو مات والنوايح مقيومـة
لا شورى بقات كل افواه مزمومـــــــة
خويا ويد الطاغي عل لوجاه مرسومة

النحلة

سهــْلا وأهْلا بك يالنـّحـــْـلة وهنيـّة يالصّايلة صلـْت ع:لــَطيـارْ
غنّــي بيـــن النـّهــرْ والـزّهــرْ وخدودْ الزّينْ والعيونْ المــحّــــارة
وْحــاليكْ اللـــه في كـــْتابـــــه وْلَهمــكْ لبـطايحْ العفـّا ولقيطْ النوّار
والجوْلاتْ ف:السّهلْ والـَوْعرْ وجْــعلْ فيــكْ دْوا وْحكمـة وتــْجارة
بْنغمتْ التـّحنانْ بين البُستــانْ ياشامة الظريفة نغمي دون وتـــــار
ما مثـْلكْ فضّة ولا تــْبـــــــرْ ولا ياقــُوتْ في دْخـــايرْ مومــــارا
قطفي قطـْفي أزّاهية سوسان وْغنــْباجْ والحْــكم والوردْ المســــرار
وسجلماسي رايقْ النــّْظــــرْ الطـمـّاج مـــْع مْـــديلكة والـــْجــلآّ رة
والبهـْجا والباغ والزّريرقْ والشكوكي والعشيقْ مصلح الانظـــارْ
والــْخابورْ شْــقيـقْ للبهــــرْ هــداكْ لـــْذا صــْفورتو مــا تـتــْوارى
مشرقيّة وغالبة وياس ونسري ومْــريجــْنة وفــن وزْهــــر الحـــرارْ
والـْعــفــْيــوني بالــزّهو احمرْ خـــيلي بــين لبــْطـــاحْ خلــيه غــْوار
الدّيدي والخزرانْ يعْدل ويميسْ ظـْريفْ رايــقْ مــْع شمـــْســـه شـــْـوار
ومْهلـــّلْ وجــــْهُ كـْــملْ بــــدر فـــي لــيلــتْ واحْ دارتْ نـــــــــوّارْدارة

مزين مديحك
ما كيفه تجارة يا رسول الله
مزين مديحك
يا المِيرْ فْ الشتا والگسْ كثير
مزين مديحك . . . يا بو فاطمة
خير لي من مال الدنيا يا رسول الله
خير لي من مال الدنيا واللِّي تـْهِيلْ عليه
خير لي من مال الدنيا اللي داك وداك شْبِيهْ
آه ورجايا غير فيك يا ربي بالنبي تـَلـْگِينِي
* * * *
مولانا صْرْخْتُه قريبــــة يعلم ما راد بين حرف الكاف والون
وْيْرْدْ الرَّاشْيَة جديـــــدة سيدي ما تضرگ عْلِيه المَخـْـــزُونْ
والله إلى بغى ينطــــــق لَ كُونْ لَحْجَازْ الصَّامْتَة تتكلم ليـــــه
والله إلى بغى يصــــدق لَ كُونْ العبد في صَمـَّــــــهْ يْغـْنِيـــهْ
* * * *
وَادَايْنِي يَا دَايْنـِــــــي أشنه غطاك الليلـــــي
يــا خيــي يــا خيــي أشنه غطاك الليلـــــي
عيد لي خبار لبــارح راه قلبي مجـــــــروح
البارح كنتي ســـارح واليوم راك مســروح
أشنه ذنب يـَـــــافــَــا وُحَيْفـَـــــــا وُعَكـَّــــــا
ياك غلبو ما عفــــــو يـــاك ثَقـْلُـو مَا خفـــو
* * * *
ياك عذبونا وُكَلـْفـُـــو يـــا دينــي يــا دينــي
صبرك عل الدل خِيِّي ما نزيدك غير مدلـــة
وإلى سكتـــي خيـــي عل الظالم زاد تْعـْـــلاَ
وإلى كنت حر خيـــي زَوَّلْ هـَــــــادْ العلـَّــةَ

واش احنا هما احنا

وُشُوفْ الدّْنْيَا هَكْذا دَايْزَة
وُبْنَادْمْ كِيفْ المِيزَانْ طَالْعْ مَرَّة هَابْط
يِعُوفْ الجَرْيَة لِيّامْ فـَايْزَة
وُالعَالَمْ يْدِيرْ مَارَاد . . . حُكْمُه شَامَلْ شَرْفـَة وُمْرَابَط
شُوفْ عَزَّةْ بْنَادْمْ حَايْزَة
الشّقـَا وُالهْجْرَانْ سْعْدْ بْنـَادْمْ فِيهُمْ رَابْط
وُشُوفْ الفَرْحَة امْضَوْيَة عَلْ لُوْطـَانْ
وُالنّاسْ زَاهْيَة فـَرْحَانَة
غِيرْ لَطـْيَارْ فْ لِيلْهَا سَهْرَانَة
بَاكْيَة بَنْوَاحْ وُلْدَا تُو لَحْزَانْ
يَا زِينِي هَكْذَا مَا كَانْ

وَاشْ احْنَــا هُمَــا احْنــَا أَقـْلْبـِــــي وْلاَ مُحــَـــالْ
وَاشْ الدّنْيـَــــا هَكْـــــذَا أقلبـِـــــي وْلاَ مُحـَـــــالْ
مَا نْويتْ الزّمَانْ يْغـْـــدْرْ وْيْتْبْــــــدّلْ الحـَـــــــالْ
مَا انْويتْ الناس أ تْبِيــعْ عـْـــــــزّهَا بِالمَـــــــالْ
يَا نْوَاحْ الّطيرْ فْ السّمَا لله شْكُــونْ قـُـولْ لـِـــي
يْجـِـي رْسُـــولْ للخَلْــقْ وْيْجِيــــــبْ السِّلْـــــــمْ
تـْـرْجْعْ لْمْيَــاهْ للمَجْـرَى لله شْكُـــونْ قـُولْ لِــــي
يِقـَــادْ لَشْيَـــاءْ للحـُـــبْ وْيْـــــــزُولْ الغـْـــــــمْ
وَاشْ احْنـَا هُمـَـا احْنـَــا أقلبـِــــــي وَلاَ مُحــَــال
*********************************


سبحــان الله صِيفـْنـَا وْلـىَ شْـتـْـــــــوَة
وْارْجْعْ فْصْلْ الرّْبِيعْ فْ البُلْدَانْ خْريفْ
وْامْضَاتْ إيَّامْنَا سْرْقـَـتْـنَـا سهــــــــوة
وْتْخْـلْطـَـتْ لـْدْيَانْ شَلَّى لِيكْ نْصِيــــفْ
قلْتْ أعْجْبِي اضْحَاتْ فْ الدّينْ الرّْخْوَة
وْلَّى الإِيمَانْ عْنْدْنَا فْ لَعْرْبْ ضْعِيـــفْ
الصّهْيُونْ فْ غاَيَة لَعْلُو دَرْكُو سَطْـوَة
وْقْبْلْنـَـا دلْهُــمْ عـَــاد الشّرْقْ كْفِيــــفْ
وْلاَ تَلْقَــى عـْـديـلْ كايْقبْــــل شْكْــــوى
وْيْبَلّغْ مَا يْخُون ما يرضى تْكْلِيـــــــف
جُورْ الحْكـََـامْ زَادْنَا تَعـَــــبْ وْقسْـــوة
لاَ رَاحَة وُالعْبَادْ فْ نَكَدْ وُ تَعْسِيــــــفْ
وُالحَاكْمْ كَايْصُولْ كَايْقْبْطْ الرّشْـــــــوَة
وُالشّاهْدْ كَايْدِيرْ فْ الشهَادَة تْحْرِيــفْ
افْهْمْ المَعْنَى وعِيقْ وُاسْتَافـْــدْ وَارْوَى
هَذَا سَرْ لَكْنَانْ مَـا رَامُه تَصْحِيــــــــفْ
* * * *
يِكْفـَــاك دْلّ لبْكَــا يـَا عيِنِــي يَكْفـَـــاك هــَـــمْ ذَا الحــَـــالْ
الظّــرْفْ غْشَمْنِــي وُلاَحْنِـي مـــَــــا بْقـَــــا لِـــي آمـَــــال
لله يــَــا اللّـــي تْسَالْنـِـــــــي لاَ تْطـَــــالـَــــبْ المُحـَـــــالْ
قِصّتِي وَاضِحَه فْ جْبِينِي مَا بْقـَـات رَغْبَــة تْلْهِينِـــي
عـَـــلْ لَفْـــــــرَاقْ عـَـــــوّالْ وَا دَنـْــدَنْ دَانـِـــي دَانـِـــي
__________________