هاد الوصفة عطاتهالي اختي ومعمرني تخليت عليها حيت بسيطة وسريعة التحضير وكتحمر الوجه كنت كنتمى نصور الوصفة باش تشجعو وتجربوها لكن انا مازال مكنعرفش مزيان في الانترنت
بلا منطول عليكم المقادير
المواد السائلة نصف لتر حليب
كاس زيت
2 بيضات
2ملاعق زبدية مدوبة
المواد الجافة نصف كيلو سميدة رقيقة
2خميرات حمراء
3ملاعق سنيدة
شوية الملحة

الطريقة
كنخلطو المقادير السائلة بالخلاط اليدوي ثم نضيف المواد الجافة في هاد الوقت نديرو طيفال تسخن ونهزو شوي بالمغرفة نكبوه ونسرحوه على شكل خبيزة ونخليوها تطيب ونقلبوها صدقوني الشكل والمداق غزال اللي كلاها كيسولني على المقادير