2013-07-07, 22:20
|
رقم المشاركة : 1 |
إحصائية
العضو | | | المشاركة 12: أم زين | رَمْضَانْ
رَمْضَانْ جَايْنَة يْشَالِي من بعيدْ
مَابْقَا لِيكْ فَينْ تََكْفَرْوَ تْزِيدْ
عْلِِيكْ بِِٱلْقرآنْ يْكُونْ لِيكْ حْبِيبْ وْحِِيدْ
وٱجْمَعْ ٱلْحَسَناتْ من كُلْ قْرِيبْ وبْعِيدْ
رَمْضَانْ شْهَرْ ٱلْغُفْرَان
َََتحْضَر ٱلْمَلائِِكة وَ يَتْقَيَّد ٱلشِّيطَانْ
ٱسْجُدْ و قِيمْ ٱللِّيلْ وتْْقَرََّبْ من ٱلرَّحْمَانْ
ولِلتْرَاوحْ مَا تْغِيبْ و تْسْهَى يَا فْْلاَنْ
وْٱلصْلاَ نعْمَة بِهَا يَعْلَى لِيك ٱلشَّانْ
رَانِي حْكِيتْ وَقْْصَدْتْ كُُلْ تَايِهْ فِي ٱلطُّغْيَانْ
سَبَّحْ بِـذْنُوبَكْ للِّي طْغَتْ وَعْمَاتْْْ ٱلْعَيْـنانْ
رَمضانْ فُرصَة لْكُلْ عَبْدْ فِي بْحَرْ هَيْجَانْ
يَصْلَحْ نَفْسُ مَنْ كُلْ حِقْدْ فِي دَمُّوا جَرْيَانْ
ٱلْقِيلْ وَٱلْقَالْ وعلى ٱلتَّّلْفَة يَبْقَى سَهْرَانْ
صِلْ ٱلرَّحِمْ ومَا تَنْسَى ٱلْمِّيمَة ٱلْحْنِينَة وٱلجِّيرَانْ
وٱطْفِي ٱلشَّرْ وٱنْسُجْ خْيُوطْ ٱلْمْحَبَّة ٱلدَّايْمَة فِي كُلْ مْكَانْ
زَكِّي وفَطَّرْ كُلْْ مَسْكِينْ ومَسْكِينَة يَسْعَى فِي ٱلْبِيبَانْ
عَنْدَاكْ تْعَرَّكْهَا حْرِيرَة وَ تَتْجَبَّدْ كِ ٱلْحْصِيرَا ومَاتْبَان ْ
وَتْقُولْ وَاللهْ مَاقَادْ نْزِيدْ ولاَ كُومِييرَا ولاَ نْمْشِي للْجْنَانْ
هَزُّوا ٱلْمَايْدَا ولاَ هَزُّوا مْولْ ٱلْكَرْشْ ٱلْكَحْيَانْ
وتَهْمَلْ سُنَّةْ ٱلنَّبِي لِفِي كْتَابْ وسِيرَة فِي كُلْ مْكَانْ
رَاه ْ فْطُورُو جْغِيمَةْ دْ ٱلْحْلِيبْ وَثْمِيرَة ويَبْقَى جِيعَانْ
ولاَ مْضِيغَةْ ٱلْخُبْزْ مَنْ ٱلشْعِيرْ فْطِيرَة وعْلِيهْ تْبَانْ
حَسْ بِحْيَاةْ ٱلْفْقِيرْ شْحَالْ مْرِيرَا وبِالأَحْزَانْ
رَاهْ ٱلدَّنْيَا فَانِيَا وصْغِيرَا بِاللهْ يَا إِخْوَانْ
مَايْغُرْكُمْ مَالْ ولاَ سُلْطَانْ ولاَمُولْ ٱلْكَرْشْ ٱلشَّبْعَانْ
رَاهْ مَنْ ٱلتْرَابْ جِينَا ولِيهْ تَرْجَعْ ٱلأَبْدَانْ
طَرْفْ ثُوبْ يَطْوِينَا وشْبَرْ ٱلأَرْضْ يَا رَحْمَانْ
أُلْطُفْ بِينَا وٱنْعَمْ عْلِينَا بِٱلْهِدَايَة وٱلإِيمَانْ
ٱلشْهَادَة وٱلإِسْتِغْفَارْ مَلْحْ لْكُلْ لْسَانْ
وٱلجْهَالَة وٱلإِسْتِكْبَارْ ذُلْ لْكُلْ إِنْسَانْ | |
| |