منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة - نوع آخر من المعسلات يمكن تقديمها في رمضان

حلوى معسلة لرمضان
على شكل السنبلة"السبولة"

السلام عليكم
المقادير

كيلو طحين
+رابعة زبدة ماركارين
+2 معلقات كبار خل
+خمارة فاني
+خمارة حمراء
+قبصة ملح
+ الماء الدافئ لجمع العجين

مايزينا للتوراق

الطريقة

نخلطو الطحين مع الزبدة ونفركوها بيدينا حتى ندمجو الزبدة مع الطحين
من بعد نزيدو الخل والخمارات ونجمعو العجين بالماء
وعطيو الدليييييييييييييييييك ولكن خليو لعجينة قاصحة
من بعد قسموها كورات ونطلقو كل وحدة بالدلاك
و نرشو يالمايزينا
من بعد دوزوها فالماكينة دالشباكية حتى تولي رقيقة
من بعد قطعو وشكلو كما هو واضح في الصور

قطعو شكل معينات بالجرارة
وكل معين ديرو وسطه شريطة بحال الشباكية

من بعد جيبو كل معين ديروه فوق الاخر
ديرو تقريبا 3 او 4
واحد فوق الاخر
كما في الصور

جرو القنت من التحث للفوق الشريطات
ونخرجوه فهاد الشكل بحال "السنبلة"

من بعد قلي في الزيت سبولات ديالنا
ونطفيوهوم في العسل
وبالصحة والراحة

ملاحظة
المايزينا لكي لا تلتصق المعينات ببعضها

لا تحرمونا من دعواتكم

بالصحة و العافية

الله يثبت الأجر