ركبت على السحاب والسحاب طار وعلَّى بيا سحابة تديني لسحابة وانا نشوان كيف الطير معلي مبهور نغني مع الطيار وعين الشمس تضحك ضحكتها تحمر الخدود تدفي لمكان وتزيدو نور على نور وانا نحلق ونزيد نحلق والسحابة تعلي وتزيد تعلي والطيار تغني وتزيد فغناها وانا والشمس نضحكوا نضحكوا شوية ياناس جانا الليل والليل مْبْرادْ معناد وزايد فعنادو غابت الشمس وغابت الطيار وبقيت فريد فوق السحاب تديني مواج الريح لهنا وتجيبني لهناك وانا محتار وحيرتي ماليها حدود واش هذا انا ولا شي حد آخر؟ فينك يا ذيك الشمس الضاحكة ؟ وفين نوارك الساطعة؟ فينك يا ذيك الطيار لمغردة؟ شوية يا ناس السحابة ثقالت وزادت ثقالت مابقات قادرة تطير قلبها عمر سواد وقفات وطال وقوفها شافت فيا شوفة حزينة وقالت ليا بلسان لفراق اوصلتي يا ذاك الإنسان اوصلتي حالتك راها تشفي لعديان أنا كنذوب بحال قلب المحبوب اللي بعد عليه حبيبو اهنا غاذا نحط حملي واهنا غاذي تنزل معاه القدر نطق وما حد يقدر عليه قلبي ارجف رجفة سمعاتها طياري وجاتني بالليل طايرة طايرة بين امواجو شداتني بقميقماتها واداتني لبر الأمان داخل هاذ المنتدى الهمام زين المقام وزين لكلام ...