هاذ لوليد ياناس ضربات فيه الريح فالطريق غاذي سروالو طايح مابغا مسكين يعيق ديما داير فضايح ثاقب الوذنين وغاذي مع بعضين كيف السايح خويطات نازلة من وذنيه بحال الراديو الخاسر يمشي بالموسيقى والغنا نااااري شحال ضاسر شد وليدك يابنادم وعَصّيهْ ولاتخليه للزنقة تربّيهْ غاذي بالشطحة وجاي بالشطحة بحال الطاووس أنا باغي ليه شي نطحة من ثور الجاموس يمكن يعيق ويمكن يفيق من هاذ الكابوس الوذن مثقوبة والسروال مثقوب العين مقلوبة واللسان مقلوب والنفس معطوبة والعقل معطوب والمّيمَة مغلوبة والْبُو مغلوب شكون يرَبّيك ياهاذ لُوليدْ وشكون يورّيك الطريق الله يشوف من حالك ويكون ليك ديما رفيق هاذ لوليد اليوم تْلْفْ عقلو مسكين اخْرفْ باغي غير ينتفْ ويهرفْ فهاذ الْبُو اللي مسكين اشْرفْ ومْقْجوُج ديما بالسّْلفْ وضاربو النّْفْ اليوم هاذ الْبُو ضارب كف على كف وبقى يبكي حتى اسْخَفْ ولوليد بااااقي يشطح وباااقي يردح وافينك ياذاك الثور؟ تْجي تنْطَحْ