 شّـــــــــــــا كي رّأ
|  |
شي ناس عندهم الشاّ كيف الرّا . فين ما سُقتهم يمشيو.يشجعو البارصا ويبكيو على الأقصى. مرة مع ومرّة ضد موازين ويقولو العام زين.الفاس واقع في الراس ويكولو ديما لاباس.يضلو يشكيو حتى يترطقو ويخرجو لبرّا يصفقو.شي تابع سي مصطفى بنحمزة وشي يبغي الشيخ حمزة وشي يقلب غير على الهمزة وشي ما فاهم حتى وزّة.شي مع اليسار وشي مع اليمين وشي عاطيها غير للتبلعيط وشي تابع غيرالحيط وشي يفكر غير في السريط .حالفين يتظاهرو من أجل القضية الوطنية ويشجعو الفرق الإسبانية. ما كايشجعوش المستعمرين, المُهم النية. يتساوى عندهم الكوركاس وكاسياس.جزيرة ليلى وكوارديولا.
في الصباح مع عشرين فبراير وفي العشية مع المخازنية. وفي الإضراب راهم مع كل دعوة ديال يومين ولا ثلاثة مادام المانضة ثابتة . النقابة ديالهم ولا ّلا هما مضامنين مع من والا. في الإضراب مع اللوالا وفي الخدمة من التوالا.
يعمرو البنزين ديال الجزاير ويعيبو سوق المقاتلات كيف داير
ماي 2011 |
| التوقيع | | اللهم إنك عفوّ تحب العفو فاعف عنّا
| آخر تعديل عبد الحفيظ كورجيت يوم 2011-08-22 في 00:24.
|