منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

في هذه الفسحة بحول الله تعالى سأحاول نشر بعض المحاولات التي شارك بها تلاميذ وتلميذات مؤسستنا
الثانوية الإعدادية علال الفاسي بنيابة مولاي رشيد -سيدي عثمان -
من خلال الأنشطة التي أقيمت في السنوات الأخير ، وأتمنى أن تنال إعجابكم وتحظى بتشجيعكم :

قصيدة زجلية للتلميذة :
بها سكينة
بعنوان
الشتا حلفات ..وعلى المنكر سخطات

سولت الشتا لحبيبة ..فين هاذ لغيبة
قالت لي أنا خايفة.. من هاذ الشي اللي شايفة
راني خفت من السيدا..ومن لموضة الجديدة
حشمت من لبنات.. اللي ولاو يخرجو مقزبات
ومن ولاد السي لحاج .. اللي دايرين حسانة الدجاج
حشمت من منكر لبار .. والزيادة في الاسعار
كي ندير حتى نسقيكم أمطار..وهذا غدار وهذا شفار
راني حشمت من الرْشايوية ..ومن الوجهيات والفرْزية
كيفاش بغيتوني نصب .. وحق الدرْوَشْ كيتغصبْ
بالسيف ما نغْضَبْ ..ويقساحْ لي لقلب ْ
شي ينهب ْ وشي يكذب ْ .. حالفة بحلوفي ما نسقي لعباد
حتى يزول لمنكر ولفساد ْ ..وتصفى لقلوب وتنقى لبلاد ْ