منتديات الأستاذ التعليمية التربوية المغربية : فريق واحد لتعليم رائد - عرض مشاركة واحدة

مشيت عند الطبيب وانا مريض
حيث بغيت نبرا
قال لي حط مليون
اولا خرج عليا برا
مشيت عند الخياط وانا عريان
بغيت نحيد لعرا
شاف فيا وضحك
وشبعني هضرة
مشيت عند الكسال وانا ثعبان
حايد لي من عظامي هبرة
مشيت عند الجزار وانا جيعان
رماني غير بنظرة
مشيت عند السمسار وانا بلا دار
باع فيا وشرا
مشيت عند المعلم وانا جاهل
بغيت نتعلم نقرا
لقيتو مسكين عايش فعذاب وحسرة
مشيت عند شي ناس وانا عزري
بغيت نخطب امرا
قال لي اباها :
حط واحد المليون عاد نبدا معاك الهضرة
ومشيت عند القاضي وانا مزوج
بغيت نطلق المرا
قال لي القاضي:
واحدة من زوج
جيب الموافقة ولا جيب المرا
مشيت للقنصلية وانا بيطالي
بغيت فيزا باش نسلك لبرا
وكلوني شلا عصا
وبيتوني في العرا
برا...
فالأخر لقيت راسي
بحال يلا كنكسكس على ارنب في سدرة
مشيت عند السبع
قلت ليه كولني
قال لي مشات ايامي
ومابقات بينا هضرة
وزيدون لحمك باسل حاسل
وخيابت فيك يا بنادم النظرة
قلت ليه:ياك قالوا زمان كون سبع وكولني؟
قال لي بعدما غير النبرة:
السبع مشات ايامو
زمان الفار هذا يا بنادم
واش كانت مقلوبة عليك الكدرة؟
إيه ذاك الفار
اللي كنت نديرو مسكة بين سناني
نهضم بيه غذايا مع قراني
ولى اليوم عفريت زمانو
يشالي بيديه وكمامو
هاز راسو وداير مكانو
أنا بعدا وليت غير نشوفو
يهرب ليا الكلام وحروفو
ويبقى فمي محلول
وعينيا يشوفو
زمان القوة اداتوا اليوم رياح التغيير
والفار ولى يلعب بيا بصبيعو الصغير
عينيا دمعو وقلت للسبع :
عنقني يا الحبيب عنقني
حالي بحال حالك يا مسيكين عنقني.
وبدينا نغنيوا بجوج:
مشات ايامنا وليالينا
شحال شطحنا وشحال غنينا
السبع:شحال خطفتي وشحال نهبتي؟
بنادم:وشحال كليتي وشحال سرطتي؟
واحنا على هاذ الحال بجوج ,سمعنا كلام من بعيد:
ناري الفار جاي الفار جاي...
واحنا نهربوا بجوج وسدينا علينا باب الدار
وغاذي نبقاوا فدارنا حتى يرجع ذاك الفار للغار