كيكة خفيفة ،مقاديرها ساهلة *بالصور*من مطبخي | السلام عليكم و رحمة الله و بركاته هاد الكيكة وكيفما قلت في العنوان كاتجي كثيرة و لذيذة و خفيفة بزاف و تصلاح تعملو معاها لاكريم ،اما الشكلاط الى تزوقات به متشبعوش منها.حتا تجربوها و ردوا عليا الخبار. بلا منطول عليكم هادي طريقتها: 3 بيضات 16 ملعقة كبيرة زيت 16 ملعقة كبيرة حليب قبصة ملح 22 ملعقة كبيرة سنيدة كيس فاني كتعملوهم في مولينكس حتا يتمزجو مزيان و تخويوهم في اناء و تغربلوا 22 ملعقة كبيرة طحين مع 3 خمارات حمرين وتخلطوا بالطراب اليدوي و وضعوا الخليط في مول مدهون بالزيت او الزبدة و مرشوش بالدقيق.واللي عندها الورق السلفريزي تعملوا في عوض تدهن المول. المول اللي كنستعمل القطر ديالو تقريبا 40 ستنمتر.المهم اكون كبير شويا حيت مكاتجيش عاليا بزاف. والصورة كتوضحها لكم وبالصحة والراحة | التوقيع | لا أخجـــــل من طيبـــة قلبـــي فهــي ليســت ضُـــعفاً بل قـــوة .. فالجوهـــرة لا تخجـــل من شدة بريقــــها
| آخر تعديل اسلامي نور حياتي يوم 2010-06-19 في 14:51. |