منتديات الأستاذ التعليمية التربوية المغربية : فريق واحد لتعليم رائد

http://store1.up-00.com/2015-09/1442766014971.jpg

يا محجوبة عيب الله هاذا خـــــطير

بغيتي حولي بݣرونو..وكيـــف ندير؟

زدتي ݣلت:صردي وسمين يكون مليح

وتكون عيونو عسلــــية ويكون كبير
والشواية على جنبك فــــــــايحة بعطور
قلب وطحال وضوارة..خبز وكومير
*مما غولة دارت خبلة ف كل لسواق
وانا مســــكين حال الله ومول الخير
هاذا شاري ..هذا بايع ..هذا معدوم
وكل واحد يشكي همو لمول التيسير

يا محــــجوبة هاعار الله رفقي بــــيا..!

ربــي عــــالم بــــحوالي وانا فـــــــقير
نْعِيــــجَة تكفي،أنا وانت، يهديك الله

ومعاها براد اتاي وزويتة ولسان الطير

أمحجوبة ديري عقلك..الزمان صعيب..!

شــلا ما خاص لحوال الناس من تدبير

مزاوݣ فــــيك أمحجوبة ديري تــــاويل

وارمـــي اوهامك المنحوسة فقاع البير

***************

*مما غولة : إشارة الى الغلاء الفاحش