2014-03-04, 23:01
|
رقم المشاركة : 14 |
 إحصائية
العضو | | | 
|  رد: شهيوات من مطبخ آل الأستاذ ..... مرفوقا بالصور
|  |
المشاركة الأصلية كتبت بواسطة أم علاء وعمر
 تبارك الله على الحرية
جات في وقتها
الوصفة
أخيتي و بسرعة
عادية خيتي
ملوية بالشحيمة و البصلة و المعدنوس بزايد
المقادير:
للعجين جوج زليفات فورص تريا أو ميمونة
شوية ملح
شوية سنيدة غي رشة
مقدار حمصة خميرة عجين
ماء دافئ
نجمع العجين عادي و ما ندلكوش لما يتجمع ندهنو بزويتة و نديرو فبواطة و نغلفو ببلاستيك غذائي و نخليه يرتاح
على ما ترتاح العجينة :
نقطع شحمة تكون ديال الكلية مزيانة و طرية و بصلة كبيرة و معدنوس زيادة نديرهم فمقلاة و نضيف عليهم زيت زيتون تحميرة خرقوم سكين جبير كمون و سودانية يابسة مطحونة ماشي ابزار
بالنسبة للخرقوم و سكين جبير تايجيو هايلين فملوي الشحمة ما كنتش نديرهم خديتهم على واحد الحادكة بحال وجهكم الخرقوم يعطي اللون الرائع و سكينجبير يعطي الطعم اللذيذ جربو و ردو علي
المهم نزيد الملح و نشعل النار عليهم نقلبهم شوية غي شوية نشم الرائحة ديال العطرية طلعات و نطفي
نرجع للعجين نخويه فوق السطح الرخامي او فالكصعة و نرش تحتو زيت و نعركو مزيان تلاتة او اربع مرات .. بعدها نقسمو على تلات كرات و نغطيهم بالبلاستيك يرتاحو
ناخد الاولى نطلقها على السطح و نفرش عليها نصف الحشوة يعني نصف التعميرة اللي عندي
و نطويها مربعة و نحطها ترتاح
ناخذ الثانة نطلقها مزيان و نفرش عليها نصف الحشوة المتبقية و نحط وسطها الملوية الاولى و نطويها عليها يعني تكون وسط منها و نحطهم يرتاحو
ندوز للثالثة تاهي نفس الشيء
ولات عندي ثلاثة في واحد
هههههه
صافي
دابا ضروري هاد الملوية الطبوزية ماترتاح
باش ملي نجي نطلقها ما تمزقش معايا صافي
نغطيها ببلاستيك غذائي و نخليها ترتاح ربع ساعة
نكون شعلت الفران يسخن
و دهنت طاوة ديال الفران يعني لاطة يا الساطة ههههههههه
اوكي
نهز البركة ديالي و نحطها فالطاوة و نطلقها بيدي مدهونة بزويتة نطلقها رقيقة باش تجيني زوينة
من بعد
ناخد بيضة كاملة زائد سودانية زائد ملح نخلطهم مع بعض و ندهن بيهم الملوية
وندفعها فلفران كتاخد نصف ساعة ديال الطياب يلا شعلتي لفوق ولتحت مرة وحدة
و بالصحة و الراحة
هي الفكرة و يمكن لك تعمري باش ما بغيتي
عمري حى بالميرنة هههههههههههه
ولا بالطون و لحرور
بصحتكم خوتي و خواتاتي
|
|
|
|  |
فعاليات صيف 2011 على منتديات الأستاذ :
مسابقة استوقفتني آية
|
ورشة : نحو مفهوم أمثل للزواج
82الشكر 
