فكرتيني بهاد القصيد
فأيام الجامع والمسيد
فأيام الفقيه سي سعيد
الله يجدد عليه الرحمة
ذكرتيني فلوح الصلصال
فالترباع الميولية والترتال
ذكرتيني فالفلقة والتحمال
والمسيد بجوايه الكرمة
مزال نعقل ديك ليام
مزينها ما ينسيها دوام
ولا تمحات من راس علاّم
صراحة أيام " العظمة "
الحفاظة كانت بالعصا والبكا
ويا سعدات من يجيب السلكة
نديرولو عرس فالدوار
وندورا بيه من دار لدار
محملين على ظهرو خبزة
ملبسينو عباية وفوق راسو رزّة
فقيه الدوار زاد معزة
ونبداو بالتصياح يا صاح
" طالب طالب يايو
يا فرحة أمو وبوه
اللي سقانا يسقيه الله
فالجنة ندورو معاه
يا حجاج يا مجاج
طالبين ضيف الله
بيضة بيضة يا كريم
يبيّض وجهك الرحيم
طالب طالب يايو .... "

لي عودة لقصيدتك فالوقت لا يرحم أخي ومع ذلك لم يمنعني لكي أضع بصمة خفيفة ولو كانت خفية أخي ابو العز وبوركت على مواضيعك القيمة
لكي مني كل التقدير والإحترام