البريوات بالدجاج والشعرية الصينية من مطبخي بالصور المقادير: دجاجة من وزن 2 كيلو كيلو من ورقة البسطيلة خنيشة صغيرة ديال الشعرية الصينية 4 بصلات كبار معدنوس ثوم زيت زيتون إبزار سكنجبير خرقوم زعفران ملح التحضير: نقطع الدجاج ونغسلو و نرقدو فالملحة والخل والحامض نعملو فطنجرة مع الزيت والملحة والبصل والمعدنوس والتوابل يتقلى. نضيف ليه شوية د الماء ونخليه يطيب على عافية مهيلة حتى تعقد المرقة مللي يطيب أنقيواه ونستقطروه الشعرية الصينية نخويو عليها الما طايب ومللي تترخى . نصفيها ونقطعها ونعملها فلاصوص اللي استقطر م الجاج على عافية مهيلة حتى تتشرب لاصوص من بعد نخلطها مع الدجاج ونقطع ورقات البسطيلة مستطيلات ونعمل بها شوية ديال الجاج بالشعرية الصينية ونلفها حول نفسها على شكل مثلث للحصول على بريوة ندهن صينية دالفران بالزيت ونستف فيها البريوات ندهنهم م الوجه بالزيت وندخلهم لفران ساخن على عافية متوسطة و يمكن نقليوهم فالزيت أنا كا نفضل الفران وها هما وجدو بالصحة والعافية
البريوات بالدجاج والشعرية الصينية من مطبخي بالصور